三月去沙巴果陣唔知係邊個地點跌左副眼鏡，返到香港都拖左成個月先的起心肝去配副新 ge，忽然想起一直好想去和平眼鏡配下眼鏡，忽然想起的事就要即刻做（因為我又好鬼鍾意呢啲老店，成日搭車經過覺得呢間老店好得意）。
和平眼鏡係由鄧先生鄧太太呢對老夫婦經營的，鄧太太打扮相當潮，而鄧先生則性格內斂一點。是那種一凹一凸的絕配。
炮台山和平眼鏡
 |
| 眼中的和平 |
我首先自己拎下啲框去試，試左覺得 OK 就問鄧太太價錢，然後就等鄧先生幫我驗眼。鄧先生首先 check 下我戴緊果副陳年眼鏡（對上果副打爛左，好辛苦先搵到已經諗唔返點解自己當年會配果款果副），再幫我驗眼（真係先旨聲明，如果你覺得一定要電腦驗眼 + 印張仔出黎畀你睇一堆不明的數字果種驗眼先係 pro 先至安心，咁就唔好去和平嘞）。過程極爽快，而由於一副鏡框連鏡片都唔係貴（我心裡的 budget 係跌左果副咁上下，而呢副比我個 budget 又平好多），所以即場再配多一副。
鄧太太好健談。我配第一副眼鏡時佢話，陳奕迅無幾耐之前都黎買左呢個款。然後我配第二副眼鏡時，佢問我想要咩，我就話想要「玩啲ge」。於是佢好開心咁拎左好多副好懷舊、好「玩」ge 款畀我試。結果我揀左一副佢話係沈殿霞都戴的款式。
鄧太太好健談。我配第一副眼鏡時佢話，陳奕迅無幾耐之前都黎買左呢個款。然後我配第二副眼鏡時，佢問我想要咩，我就話想要「玩啲ge」。於是佢好開心咁拎左好多副好懷舊、好「玩」ge 款畀我試。結果我揀左一副佢話係沈殿霞都戴的款式。
 |
| 呢副係鄧太太口中陳奕迅都來買了的款式 |
 |
| 熊大示範書呆子style |
 |
| 呢副係「沈殿霞」款，其實仲有好多好靚 ge 懷舊款，我戴左上面唔多襯，所以揀左呢款其實唔係太玩的款。 |
 |
| 配左「肥姐style」，熊大即時藐晒嘴咁 ge 樣 |
如果大家想配 Ray ban 眼鏡，不妨去和平走一轉，鄧太太收藏左好多 Ray-Ban，舊款 Ray-Ban 是美國貨，鏡片上有 BL 暗花字樣。傾傾下佢仲會教你點分新舊款。
